Muslimiinta UK oo banaanbax balaaran ku qabtay London

Kumanaan qof ayaa isugu soo baxay mudaharaad Muslimiinta UK ay ku muujinayaan sida ay uga soo horjeedaan aflagaadada jariiradii Faransiiska u geysatay Nebi Maxamed SCW.

Banaanbaxan ayaa ka dhacay banaanka hore ee xafiiska Raysalwasaaraha UK, David Cameron, waxayna muslimiinta u gudbiyeen qoraal ay soo saxiixeen 100 kun oo qof oo looga soo horjeedo dhaqan xumada jariirada Charlie Hebdo ee sawirada gacanta ku aflagaadeysay Nebi Maxamed SCW.

Muslimiinta-London-Banaanbax-Feb15-2

“…Waanu Difaacaynaa Nebi Maxamed…”ayaa kamid ahaa erayadii ay ku dhawaaqayeen muslimiinta banaanbaxa dhigay oo Axadii shalay socod kusoo maray wadooyinka waaweyn ee bartamaha magaalada London ee caasimada UK.

Muslimiinta-London-Banaanbax-Feb15-3

Jariirada Charlie Hebdo ayaa 7dii bishii Janaayo ay weerareen rag hubeysan iyagoo halkaasi ku dilay 12 kamid ah shaqaalihii xaruntaasi ka shaqeenayey iyo askar Booliis ah.

 

Comments

comments