Komishanka Doorashooyinka Qaranka Somaliland, ayaa Maanta ka hadlay halka ay marayso Tirinta Codadkii laga dhiibtay Doorashada Madaxtooyada ee Dalka ka dhacday 13-kii bishan November, 2017-ka.
Guddiga Doorashooyinka Qaranka, ayaa sheegay in Codadkii laga dhiibtay Doorashada Madaxtooyada intiisa badan la tiriyey isla-markaana lagu soo xereeyay Xarunta Guud ee Komiishanka Qaranka, inta hadhayna ay Jidka ku soo jiraan, marka ay Xarunta Komiishanka soo gaadhaana mar kale la tiring doono, si loo hubiyo.
