Arrin aad u la yaab badan, ayaa waxay ka dhacday magaalada Belbeis-ta Koonfureed ee dalka Masar. Dhacdadan, ayaa cabsi-gelisay Dadka isku daya in ay Ubadka yaryar xadaan waxaana lagu qabtay Xaafad ka mid ah magaaladaas Haweenay isku-dayday in ay xaddo ilma-yar.
Waxay Dadkii ku noolaa Xaafaddaasi xaqiijiyeen in ilmaha yar ee Haweenaydu wadato aanu ahayn ilamheedii, waxaanay isla markiiba ku xidheen Bir Laydh oo ka agdhawayd, waxaanay Dadkii ku noolaa Xaafaddaasi sheegeen in ay iyagu gacantooda ku fulinayaan Ciqaabta Gabadhaas ilmaha aanay dhalin xadday, isla markaana ay gacantooda ku dabaqayaan cadaaladda.
Arrintan ayaa faaftay ka dib markii qaar ka tirsan Dadkii goobtaas ku sugnaa ay Muuqaal ka duubeen Haweenaydaas ay ku faafiyeen Baraha Bulshada ee Internet-ka iyaga oo Jidh-dilaya oo Ciqaabta ay mudaysatay ku sheegay in Jidh-dilkaas uu yahay.
Waxay Dadka gacanta ku dhigay Gabadhaas ee Jidh-dilkaas ku sameeyey, amrayna inay muddo saacado badan ah halkaas ku xidhnaato qaarkood ay sheegeen in arrinta noocan ah ee ay Gabadhaas ilmaha xadday ku sameeyeen uga dan-leeyihiin inay digniin u noqoto Dadka isku-daya in ay si badheedh ah Carruurta u xadaan.
