Wiil u dhashay Dalka Indonesia oo da’diisu tahay 16 sano jir, ayaa Guursaday Haweenay aad uga da’wayn oo 71 sannadood jir ah, ka dib markii ay u ku hanjabeen inay Nafta iska jari doonaan haddii Qoysaskoodu ka horyimaaddaan ama diidaan Guurkooda.
Islaantan 71-jirka ah, ayaa labada Qoys ee ay ka soo jeedaan iyada iyo Wiilka 16-jirka ah ee ay isguursadeen, waxay ugu hanjabtay in haddii la isu diido in ay is guursadaan amase cid ka mid ah labadooda Qoys ay hor-istaagaan guurkooda ay qudha iska jaro doonto oo ay is-dili doonto.
Haddaba, Da’da u dhaxaysa Wiilkan iyo Gabadha ay is-guursadeen, ayaa ah 55 sannadood oo ay Gabadhaasi ka weyntay Wiilka Saygeeda noqday. Hase-yeeshee, farqiga da’da ee u dhexeeya labadooda wax saamayn ah kumuu yeelan Wiilka.
Wiilkan oo magiciisa la yidhaahdo Salaamaat Rayaadi, ayaa sheegay inuu aad ugu faraxsan yahay Guurka iyo noolosha uu la wadaagay Ruuxiya. Guurkan ayaa waxa uu noqday mid ka yaabiyay dadka ku dhaqan Tuulada Bakarangendah ee ay ka soo jeedaan labadooduba ee dalka Indunuusiya.
Arooska labadan lamaane ee aadka u kala da’da wayn, ayaa ka dhacay Aqalka Hoggaamiyaha Tuuladaas oo magiciisa la yidhaahdo Cosoio, waxaanu Mr Cosoio u sheegay Warbaahinta in labada Lammaane ay ku hanjabeen in ay qudha iska jari doonaan haddii aanay is-guursan oo la isu diido ama guurkooda la carqaladeeyo.
