Xukuumadaha Somaliland iyo Itoobiya ayaa todobaadkan uun kala saxeexday heshiis ganacsi oo la xidhiidha isticmaalka Itoobiya ee dekadda Berbera, iyadoo lagu heshiiyey qodobo labada dhinacba dan u ah.
Dawladda Itoobiya ayaa durba bilawday inay isticmaasho dekedda Berbera iyadoo amar ku bixisay in maraakiibta gargaarka sida ee taagan dekadda Jabuuti ay u wareegaayn magaalada Berbera si loo dedajiyo gurmadka abaaraha dalkaasi ka jira.
Sidoo kale dawladda Itoobiya ayaa gaadiid fara badan ka isticmaali doonta Somaliland taasoo fursado shaqo u abuuri karta muwaadiniin reer Somaliland ah.
Maadaama ay Itoobiya ku tiirsanayd dekadda Jabuuti ayaa heshiiskan dhexmaray labada waddan waxa uu keeni doonaa in isticmaalka Dekadda Berbera ee Itoobiya uu noqdo mid joogto bacdamaa ay dekadda Jabuuti ka yartahay dhigeeda Berbera.
Bilaha inagu soo aadaan ayaa la filayaa inay shixnado badan oo u socda dalka Itoobiya ay ku soo xidhaan dekedda Berbera, taasoo fure u noqon karta shaqo abuur hore leh oo ay muwaadiniintu helaan
