Somaliland: Madaxweyne-Ku-Xigeenka oo ka qaybgalay Munaasibad lagu Xusayo Maalinta Deegaanka

Maalinta Caalamiga ah ee Deegaanka ayaa maanta si weyn looga xusay Hargeysa.

Xaflad si weyn loo abaabulay oo lagu qabtay barxadda hore ee xarunta Wasaaradda Deegaanka ayaa waxa ka qayb-galay Ku-Simaha Madaxweynaha ahna Madaxweyne-Ku-Xigeenka Somaliland Cabdiraxmaan Cabdillaahi Ismaaciil “Saylici”, wasiirro door ah, hay’ado caalami ah iyo marti-sharaf kale oo badan.

Maalinta-Deegaanka2

Sida lagu muujiyey war-saxaafadeed ka soo baxay xafiiska saxaafadda ee Madaxtooyada, ujeeddada maalintan loo xusay ayaa ah in la sii adkeeyo muhiimadda deegaanku ku fadhiyo iyo qiimaha uu dalka u leeyahay.

Wasiiro dhawr ah oo munaasibadda ka hadlay waxa ay ku dheeraadeen muhiimadda Maalinta Deegaanka. Ugu horreyn Wasiirka Deegaanka Shukri Xaaji Ismaaciil Baandare ayaa ka warbixisay sida ay wasaarad ahaan uga hawl galeen ilaalinta iyo dhawrista deegaanka.

Madaxweyne-Xigeenka Somaliland Cabdiraxmaan Saylici oo madasha hadal kooban ka jeediyey ayaa isaguna xusay muhiimadda deegaanku nolosha aadamaha u leeyahay, wuxuna hambalyo iyo ammaan isugu daray Wasaaradda Deegaanka oo muddooyinkii u danbeeyey ku hawlanayd hindiseyaal la xidhiidha ilaalinta iyo dhawrista deegaanka. Sidoo kale wuxu Md. Saylici u mahadnaqay cid kasta oo gacan ka gaysata dhawrista deegaanka.

 

Comments

comments