Halyeeyga Bollywoodka Amitabh Bachchan oo ay dadka Filimada Hindiga ah daawada ee reer Somaliland u yaqaanaan Gacma dheere ayaa xaqiiqo cajiib leh kasoo qoray koobka Adduunka, waa mid ka mid ah dadka ugu weyn ee lagu tixgeliyo aflaanta Hindiga kaas oo sidoo kale aad xiiso ugu haya kubadda cagta.
Amitabh Bachchan oo ilaa iyo hadda aan ka faaruqin inuu aflaanta sameeyo sidoo kalana aad loo jeclaa todobaatameyadii ayaa markaan si weyn ula socda dhacdada ugu weyn kubadda cagta ee sida xiisaha leh uga soconeysa Russia.
Big Bachchan wuxuu inyar siiyay fakarkiisa xarfaha ay ka kooban yahiin wadamada sideeda ah ee isugu soo haray koobka Adduunka iyo sida ay isugu aadeen, si la mid ah waqtiyada la ciyaari doono wareega afar dhamaadka.
Wuxuu bartiisa twitter-ka kusoo qoray qoraalka sare ee muujinaya sida ay sideeda wadan ee isku beegmay quarter finalka ay u yahiin kaliya (6 iyo 7 xarfood) waddamo ka kooban.
Kulanka Uruguay iyo France ee maanta lagu balansan yahay wuxuu dhexmari doonaa waddamo dhiganka xarfahooda luqadda qalaad ay tahay (France – 6) (Uruguay = 7) si la mid ah wadamada kale waa la mid.
(Brazil = 6 vs Belgium = 7) (Russia = 6 vs Croatia = 7) (Sweden = 6 vs England =7), sidoo kalana wuxuu ku xariiqay meesha in maalmaha 6-da iyo 7-da July la ciyaari doono wareega quarter final-ka isla markaana ay tahay xaqiiqo cajiib ah.
Big Bacchan wuxuu qeybta hore qoraalkiisa kusoo qoray inuu xaqiiqadaan kasoo min-guuriyay Girish Kumar oo ah shaqsi isna u dhashay India isla markaana taageero weyn u ah Mr. Amitabh. Gacma dheere waa ninka loogu jecel yahay jilayaasha filimada Hindiga ah.
