Guddida nabad-gelyada ayaa kulan deg-deg ah oo ay shalay yeesheen, waxay ku laffo gureen Muranka ku saabsan khilafka golaha Wakiiladda Somaliland ee ka dhashay kolkii u mad-madow galay natiijaddii kasoo baxday tirade Codadka ay kala helleen labadii Musharrax ee ku loolameyey buuxinta jagada Gudoomiyaha golaha Wakiiladda. Ma jiro War daboolka ka qaadaya kulankan iyo arrimaha diirada lagu saaray, oo kasoo baxay Xukuumada Somaliland.
Hase-yeeshee Warar Wargeyska Yool uu ka helay ilo ku dhow Madaxtooyadda, ayaa tibaaxay in kulanka lagu rg-rogay wixii xogo la hayo eek u saabsan baaxadda uu le’eg yahay khatarta ka dhalan karta muranka ka curtay golaha Wakiiladda Somalland, iyo sidoo kale, tallaabada la gudboon Xukuumaddu inay ka qaadato jawaabta arrinka ee bulshadu ka suggayso. Waxa kaloo ilaha xoggaha Wargeysku ka helay xuseen intii kulanku socday xubnaha amniga qaranku isla qaateen qodobo dhawr ah, kuwasoo sida xoggaha lagu sheegay qodobada qaarkood ka hadlayeen arrimo ku aadan mawqifka hadda la gudboon Xukuumadda inay ka qadato go’aanka khilaafka ka dhaliyey Golaha Wakiiladda, halka qodobada kalena sida la xusay ay ku aadanaayeen arrimaha Xukuumadda uga meel yaala jawaabaha adage e kasoo bixi kara muranka golaha.
Waxa kaloo, Wararka ku aadan kulanka guddida nabad-gelyada qaranka lagu sheegay in kulankan oo u Gudoominayey Madaxweynaha Somaliland Md. Axmed Siilaanyo ay ku weheliyeen Wasiiradda gaashan-dhigga iyo arrimaha gudaha, iyo sidoo kale Taliyaasha Ciidamada Qaranka ee Mileteriga iyo Booliska.
