Mudanayaasha golaha wakiilada Somaliland ayaa manta kalfadhi ay yeesheen waxay cod duub duub ah ku ansixiyeen xeerka kastamada cashuuraha ee Somaliland.
Waxaana kalfadhigan oo ay kazoo xadireen 45 mudane oo kamida xildhibaanada golaha wakiilada gudoominayay gudoomiye ku xigeenka golaha wakiilada Somaliland mudane Baashe Maxamed Faarax.
Waxaana xildhibaanadu ay manta cod gacan taaga ku ansixiyeen xeerka kastamada oo golaha horyaala muddo hal wiig ah.
Waxaana ansixinta xeerkan u coddeeyey 36 Mudane waxaaan diiday 6 mudane halkan 3 mudanena ay ka aamuseen gudoomiyuhuna muu codayn.
Waxaana halkaasi si rasmi ku ansaxay xeerka kastamada cashuuraha Somaliland.
Gabagabadiina waxa la filayaa inay goluhu ansixiyaan maalmaha soo socda xeerar horyaala golaha oo aan wali la gudo galin.
