Somaliland: Guddoomiye Cirro iyo Baashe Oo Iska Laab-xaadhay Dagaalkii ka dhacday Golaha Wakiiladda

Guddoomiyaha golaha wakiillada Somaliland Cabdiraxmaan Maxamed Cabdillaahi (Cirro) iyo kuxigeenkiisa koowaad Baashe Maxamed Faarax, ayaa maanta ka heshiiyay dagaalkii feedh-feedhka ahaa ee hore u dhexmaray.

Fadhigii golaha ee maanta ayaa labada guddoomiye isku laabxaadheen islamarkaana golaha hortiisa ka muujiyeen siday arrintaasi isaga saamaxeen.

12042702_962803217099575_2590489774280872199_n

Guddoomiye Cirro iyo kuxigeenkiisa Baashe ayaa bulshada Somaliland ka raaligaliyay dhacdadii sababtay inay is feedhaan, waxaanay golaha waydiisteen in arrintaasi laga cafiyo.

Labada guddoomiye ayaa arrintan si iskood ah isaga saamaxay iyadoo aanay jirin cid dhexdhexaadisay, balse waxaa wali taagan khilaafkii haamaha ee labada masuul isku gacan saareen, kaas oo la filayo inuu mar kale mooshinkiisu golaha ka sii socdo.

Comments

comments