Abwaanada iyo Fanaaniinta Somaliland, kuwooda ugu caansan ayaa si xamaasad leh waxay u soo camireen Casuumad lagu martiqaaday Aqoonyahanka Prof. Axmed Ismaciil Samatar, Sugaanyahanadan soo camiray munaasibada ayaa isugu jiray Fanaaniinti hore, kuwii dhexe iyo kuwii danbe.
Waxayna ka badnaayeen in magacyadooda la qoro, balse haddii qaarkood laga xuso, waxaa Hoggaaminaayay Abwaanada iyo Fanaaniinti hore, Maxamed Kuluc, Abwaan Maxamed Aadan Dacar, Abwan Kayd, Abwaan Axmed Saleebaan Bidde, Abwaan Cabdillaahi Saleebaan Bidde, Saynab Ciige Maxamed. Halka kuwii dhexe laga soo qaadan karo, Fanaanka Nuur Jaamac Aadan (Nuur Daalacay) Cabdi Qaboojiye, Sahara Ilays, Fu’aad Cumar, Maxamuud Halwad. Waxa iyana calanka u siday Fanaaniinta casriyadan danbe, Fanaanka Mursal Iyo Khadra Siliimo iyo qaar kale oo badan. Magacyadani waa qaybo kamid ah Fanaaniinti soo camiray Casuumadi lagu soo dhaweeyay Prof. Samatar.
Geesta kale bahada Sugaantu kali kumay ahayn haldoorki goobta soo camiray, balse Saladiinta waa weyn ee dalka iyo Siyaasiyiinta ayaa iyana qayb ka aha. Halka Madada Jaamacadaha iyo ururada bulshadu ku sugnayeen. Si kastaba ha ahaate Hadhimo sharafeedkan uu sameeyay Wasiirka Warfaafintu, waxa lagu tilmaamay mid ka muqaal duwanayd dhammaan soo dhawaynihii hore loogu sameeyay Prof. Samatar.
Halkan Ka DAAWO Muqaalka Hadhimo Sharadeedki Wasiirka Warfaafintu u Sameeyay Prof. Axmed Ismaciil Samatar Iyo Hadalada Masuuliyiinti.
