Laanta Xisbiga Kulmiye ku leeyahay Minnesota waxay si buuxda u taageersantahay mowqifka dawladda Somaliland ka qaadatay difaaca qaranka iyo sugidda xuduudaha qaranka. Waxannu ciidanka Somaliland ku hambalyeynaynaa guusha ay kasoo hooyeen ilaalinta soohdinta Somaliland. Waxannu taageero hiil iyo hooba la garab taaganahay difaaca qaranimada Somaliland. Madaxweynuhu waxa uu qaaday talaabo geesinimo iyo mid hogaamineed oo uu ka talo geliyey madaxda qaranka iyo ta axsaabta si go’aan mida looga qaato difaaca qaranka. Xuduudka Somaliland waa mid aan madmadow lahayn oo si cad ay u ogtahay beesha caalmku, sida uu sheegay madaxweynuhuna Somaliland cidna u daba fadhiisan mayso ilaalinta xuduudkeeda.
Allaa Mahad leh
Abdillahi Haji Bullaale
Guddoomiyaha Xisbiga Kulmiye ee Minnesota
