Wararka aan ka heleyno Gobolka Sanaag ayaa waxaa ay sheegayaan in waaberigii hore ee saaka halkaas uu dagaal ku dhex-maray Ciidamo kala taabacsan Somaliland iyo maamulka Puntland.
Dagaalkan ayaa waxaa uu sigaar uga dhacay Degamda Laasqoray, wuxuuna dhexmaray Ciidamo ay kala wateen Guddoomiyaha Gobolka Sanaag ee Puntland Cali Xuseen iyo Guddoomiyaha Degmada Badhan ee Somaliland Maxamuud Xaamud.
Dadka deegaanka ayaa soo sheegaya inay maqlayeen rasaas labada dhinac ay isku dhaafsanayeen gudaha Degamda Laasqoray ee Gobolka Snaag, isla markaana dagaalka uu ka dhashay Khasaaro iskugu jira dhimasho iyo dhaawac.
Inta la xaqiijiyay hal Askari ayaa ku dhintay dagalkaas, halka mid kalena dhaawac uu soo gaadhay, waxaana kan dhaawaca uu soo gaadhay la geeyay Xarun Caafimaad oo ku taalla degamda Laasqoray.
Wararkii ugu dambeeyay ee naga soo gaadhaya degamda Laasqoray ee Gobolka Sanaag ayaa waxaa ay sheegayaan in xaalada degmada haatan ay tahay mid degan oo aan la maqleyn wax rasaas oo dhaceysa.
