Somaliland: Taliye Nuux Taani Oo Miiska Saraakiisha Ku Xidhay Taliyihii Guutada 31aad Oo Uu Xil Ka Qaadisna Ugu Hanjabay

Taliye Nuux Taani Oo Miiska Saraakiisha Ku Xidhay Taliyihii Guutada 31aad Oo Uu Xil Ka Qaadisna Ugu Hanjabay

Taliyaha ciidanka qaranka somaliland Sareeye Gaas Nuux Ismaaciil Taani ayaa amray in xarunta miiska saraakiisha ee magaalada Hargeysa lagu xidho taliyihii guutada 31aad ee ciidanka qaranka oo fadhigeedu yahay gobolka Sool gaashaanle sare Ismaaciil Faarax Cawaale (Doolaal).

Sida ay sheegeen warar rasmi ah oo BurcoOnline soo gaadhay, taliyaha ciidanka qaranka sareeye Gaas Nuux Ismaaciil Taani ayaa sidoo kale ugu hanjabay Gaashaanle sare Doolaal inuu xilka ka qaadi doono isla markaana amray in miiska saraakiisha lagu xidho, iyada oo wararku sheegeen inuu jiro khilaaf u dhaxeeyey labadan masuul oo mudo soo jiitamayey.

Sidoo kale waxa jirta waan waan la doonayo in layskugu soo dhaweeyo taliyaha ciidanka qaranka sareeye Gaas Nuux Ismaaciil Taani iyo gaashaanle sare Doolaal kuwaas oo ay wadaan saraakiil ka tirsan ciidanku balse aan ilaa hada wax natiijo ah laga gaadhin.

Comments

comments