La Liga Oo Horjoogsan Karta Heshiiskii Uu Antoine Griezmann Ugu Wareegay Barcelona – Maxaa Soo Kordhay?
La Liga ayaa baaritaan ku sameyneysa heshiiskii uu Antoine Griezmann ugu wareegay Barcelona ka dib markii Atletico Madrid ay dalbatay in la hor istaago heshiiska.
Weeraryahanka Faransiiska ayaa ka tagay Atletico horaantii bishaan markii ay Barcelona bixisay 120 milyan euro oo lagu burburinayay qandaraaskiisa kooxda ka dhisan caasimada Spain.
Laakiin Atletico ayaan ku faraxsaneyn lacagtaas sababtoo ah waxay ku eedeynayaan in Barcelona ay heshiis la gaartay Griezmann bishii March ee sannadkan markaasoo lacagta lagu burburin karay qandaraaska ciyaaryahanka ay aheyd 200 milyan euro.
Ismari waagaan ayaa waxa uu dhibaato ku yahay La Liga iyadoo madaxweynaha La Liga Javier Tebas uu xaqiijiyay in cabasho rasmi ah oo laga soo gudbiyay Barcelona ay soo gaartay maanta.
“Waxaa leenahay awood aan ku horjoogsan karno leysanka ciyaaryahanka.”
Tebas ayaa sheegay inuusan isagu shaqsi ahaan waxba ka dhihi karin arintaan, isagoo tilmaamay inay jiri doonaan guddi baara.
Waxa uu hadalkiisa raaciyay: “Waxaa jira guddi loo xilsaaray iyaga ayaana xalin doona xaaladaan.
“Waxba kama dhihi karo.”
Griezmann ayaa ku biiray Los Rojiblancos sannadii 2014 ka dib markii uu ka soo baxay Real Sociedad, waxaana uu dhawaan xaqiijiyay inuu iska diiday Manchester United ka hor inta uusan dooranin kooxda heysata horyaalka La Liga.
