“Qofka wax ballan-qaada waa inuu oofiyaa” waxa sidaas ku tiraabay Duqa magaalada Mont De Marsan Mr Charles Dayo, wakaaladdaha wararka ee Dalka France ayaa waxa ay qaadaa dhigeen in maayarku uu galay sharad ka hor ciyaartii dhexmaraysay labada kooxood ee Barcelona iyo PSG ee ka mid ahayd tartankii horyaalka kooxaha Yurub ee Champions-ka League, waxaanu sharad ku galay ciyaarta ka hor inuu Jiir cuni doono haddii kooxda Paris Saint-Germain laga guulaysto,
waxaanu arrintaasi kaga dhabeeyay isagoo Maqaaxi ku sugan, waxaanay wararku sheegeen inaanu Jiirka Cunistiisa dhamaysan ee uu wax yar ka cunay, balse uu sheegay inuu balantiisii oofiyay, waxaanu tilmaamay sidoo kale inaanu aad u jeclayn cunista Hilibka, balse uu cunista Khudaarta aad u jecel yahay, arrintan ayaa ah arrin aad u layaab badan, waxaana is-waydiin mudan sidee ayuu qof nooli ugu dhiiran karaa Cunista Jiir ka?.
