Xildhibaan Maxamed Maxamuud Yaasin Dheeg oo mida ah xildhibaanada gollaha Guurtida Somaliland ayaa sheegay in Somaliland ay dayacday magaalada Buuhoodle.
Xildhibaan Maxamed Maxamuud Yaasin Dheeg oo warbaahinta kula hadlay magaalada Hargeysa ayaa waxa uu waxa uu sheegay waxaanu tilmaamay in meeshi la dayaco cid sheegata aan la waayeyn waxa aanu yidhi “Horta meel haddii la dayaco, oo ummada lihi ay dayacdo iskagana tagto cid sheegata la waayi maayo, Buuhoodlena Somaliland ayaa dayacday, amma xukuumada joogta ha noqoto amase tii ka horreysay ha noqotee, xadka Somaliland oo la sugi karo, lana gaadhi karo, Somaliland-baa dayacday meeshii la dayacana cid sheegata la waayi maayo markaa waxa aan u arkaa baylaha ka timid xagga Somaliland” sidaa ayuu yidhi Xildhibaan Maxamed Maxamuud Yaasin Dheeg.
Xildhibaan Maxamed Maxamuud Yaasin Dheeg oo hadalkiisa sii wata ayaa ayaa waxa uu sheegay in kuwa leh Buuhoodle lama soo gali karana ay yihiin uun reer Khaatumo, kuwa Xamar joogaana ay yihiin reer Khaatumo markaa Khaatumo laf ahaanteeda aanay jirin meel loogu hagaagi karo waxaana ka mid ahaa hadalakiisa “kuwa xaggaa jooga ee tagay Xamar waa Khaatumo, kuwa halka imanayaana waa Khaatumo (Somaliland), kuwa iminka goostayna ee leh Buuhoodle lama soo gali karo waa Khaatum, dee mar annigu Khaatumo afarta dhan dhinac ay u socoto garan maayo, dawladda ayaa dayacday iyada oo ciidamadii u haysta oo wadankeeda xuduudka, ayaa kii Farmaajo soo diray iyo kii Shariif soo diray meesha ka botorinayaan oo ka ciyaarayaan oo la daawanayaa, dee horta mar aad dagaalka yar ka baqatid ka wayn miyaad gali, waxa aan xuduudaha ha la simo oo xuduud walba intii ay Somaliland sheeganayso ha gaadho dawlad xuduudeedii calamo kale ka taagan yihiin oo haddana leh dawlad ayaanu nahay” ayuu yidhi Xildhibaan Maxamed Maxamuud Yaasin Dheeg.
