Madaxweynaha Dawladda Puntland Cabdiweli Maxamed Cali Gaas oo ka qaybgalaya shirka gollaha amniga qaranka ee maanta ka furmay Magaaladda muqdisho, kaasi oo u dhexeeya Madaxdda DFS iyo kuwa maamul goboleedyada DFS ayaa sheegay in Puntland ay leedahay 18 sanno Khibrad dhanka amniga ah, ayna diyaar u tahay in dowladda federaalka ka caawiso sugida amniga goboladda kale ee dalka.
Madaxweynuhu wuxuu ka mid yahay xubnaha Golaha Amniga Qaranka oo ka kooban Madaxwaynaha dowladda Federaalka Soomaaliya, Ra’iisul Wasaaraha, Ra’iisul Wasaare Ku Xigeenka, xubno ka tirsan Golaha Wasiirrada Dowladda Federaalka, Madaxweynayaasha Dawlad Goboleedyada, iyo Taliyeyaasha Ciidamada qalabka sida.
“Shirkani oo socondoona muddo labo cisho ah waxaa lagu lafo-guridoonaa arrimo ay kamid yihiin Amaanka, siyaasada dalka, ladagaalanka kooxaha argagixisada ah, wadda shaqaynta laamaha amaanka ee DFS iyo maamuladda dalka, wadda shaqaynta DFS iyo maamuladda xunaha ka ah DFS” ayaa lagu yiri warsaxafadeed ka soo baxay Madaxtooyadda Puntland
Warsaxaafadeedka madaxtooyada Puntland waxaa kaloo lagu sheegay in Madaxweynuhu yahay ruugcadaa arrimaha sugidda Amaanka, islamarkaana uu ku kordhin doono madaxdda Soomaaliyeed ee ka qaybgalaysa shirka sidda ugu sahlan ee ay u yeelan karaan laamaha amaanka ee dalku wadda shaqayn joogto ah, taasi oo sura gelin karta in la suuriyo kooxaha tamarta yar ee ku dhuumaalaysanaya dalka.
” Madaxweynaha Dawladda Puntland Dr. Cabdiweli Maxamed Cali Gaas wuxuu markasta ku hawlanyahay sidii loo heli lahaa Soomaaliya oo midda, Soomaaliya oo israacday, Saamaaliya ooh al mawqif leh”
Bishii June 8, Maleeshiyaadka Al-shabaab ayaa weerar gaadmo ah oo ay ku qaadeen xeryaha ciidamada dowladda Puntland ee tuuladda Af-urur ee buuraha Galgala waxay ku dileen in 50 qof oo isugu jiray askar iyo dad rayid, waxayna qabsadeen tuuladda af-urur oo markii dambe ay isaga baxeen, waana dilkii ugu badnaa ee kooxda Al-shabaab ay gaystaan ciidamadda Soomaalida.
