Guddoomiye ku-xigeenka baarlamaanka Somaliland Baashe Maxamed Faarax ayaa soo dhaweeyey heshiiska ay kala saxeexdeen kooxda Khaatumo iyo dawladda Somaliland inkastoo uu qodobada qaarkood saluug ka muujiyey.
Baashe Maxamed Faarx ayaa sheegay in heshiiskaas loo baahnaa isla markaana ay muhiimaddu tahay Somaliland is raacda oo la wada leeyahay, isagoo arrimahaas ka hadlaayana waxa uu yidhi:
“Waxaan hambalyaynayaa in la soo gunaanaday wadahadalkii mudada socday, waxaanu doonaynaa in somaliland is raacdo oo ay nabad kuwada noolaato oo wixii la tabanayo la iska shaafiyo oo la iska daaweeyo, wadahadlkaasina si fiican buu u soo dhamaaday, waananu ku bogaadinaynaa labada dhinac ee wadahadalka waday”
Geesta kale Baashe Maxamed Faarax ayaa saluug ka muujiyey qodob ka mid ahs natii qodob ee lagu heshiiyey oo ah ah qodobka maamul daadejinta, waxaana uu guddiga wadahadalada ka codsaday inay u fasiraan qodobkaas, waxaana uu yidhi :
“qodobka maamul daadejonta xoogaa fahamkiisu wuu nagu yar yahay, laakiin guddigii baanu waydiinaynaa waxa loola jeedo maamul daadejin, waayo maamulku wuu daadejisan yahay ilaa Xaysimo ayuu joogaa”.
