Dawlada Somaliland iyo maamulka Khaatumo ayaa waxaa ay maanta heshiis ku kala saxeexdeen Hotal Ambasadoor ee magaalada Hargeysa, Saxeexa Heshiiskan ayaa waxaa ka soo qeyb galay guddidi labada dhinac wada hadalka u qaabilsaneed , Isimo iyo Garaado
Ugu horeyn waxaa heshiiskaasi warbaahinta u akhriyey wasiirka wasaarada arimaha dibada Somaliland Dr. Sacad Cali Shire waxaana ay qodobadu ahayeen
1. Somaliland iyo Khaatumo inay ku dedaalaan sidii afgarad buuxa looga wada gaadhi lahaa
2. In la wada qorsheeyo lagana wada shaqeeyo sidii loo heli lahaa somaliland loo wada siman yahay oo ku dhisan cadaalad, maamul wanaag iyo xaq dhawrista xuquuqal iinsaanka, ku dhisan diinta islaamka oo muwaadiniinteedu midna ku ahayn marti balse ay u wada siman yihiin
3. In dastuurka somaliland la furo si loo xaqiijiyo awood qaybsi sugan oo cadaalada ku dhisan oo laga sameeyo madaxda golayaasha fulinta, sharci dejinta, garsoorka iyo hay’adaha dawliga ah.
4. In la sameeyo maamul daadejin heer gobol, degmo iyo magaalo lana qeexo mid walba awoodeeda.
5. In shir dambe layskugu yimaado 10-ka July laguna qabto magaalada Burco si lo odhameeyo wixii qabyada ah lagana tashado qaabkii iyo hanaankii loo qaban lahaa shir loo wada dhan yahay
