Dhaliyaha Everton Romelu Lukaku ayaa qaatay go’aanka ku aadan mustaqbalkiisa iyadoo ay jirto qiyaas fikradeedka laga qabo inuu lacago badan uga tagayo kooxda reer England.
Xidiga reer Belgium ayaa lala xiriirinayay Chelsea, Manchester United, Juventus iyo Bayern Munich kaddib xilli ciyaareed wacdaro leh uu ka dhigay Premier League kaa uu ku dhaliyay 25 gool 37 kulan uu ciyaaray.
Lukaku ayaa ka biyo diiday inuu si shaacsan uga hadlo qorshihiisa fog, laakiin wuxuu iminka daaha ka rogay inuu garanayo halka uu ka ciyaari doono fasal ciyaareedka soo socda ee 2017-18.
“Wakiilkeygu wuu ogyahay waxa dhici doona ,” Lukaku ayaa sidaa u sheegay Sky Sports.
“Waan garanayaa waxa aan doonayo inaan sameeyo marka ay wax dhacaana, xarfaantiina waad ogaan doontaan,”.
