Madaxweynaha Maamulka Muqdisho Md.Maxamed Cabdillahi Farmaajo Ayaa Safar Saaka Ugu Hore Ku Kacay Dhanka Iyo Dalka Imaaradka Isaga Safarkiiso Daranyahay Saldhigga Berbera Iyo Heshiiska Cusub Ee Dekedda Boosaaso Ee Maamulka Puntland Iyo Dekedda Berbera Ee Jsl
Madaxweynaha Maamulka Muqdisho Maxamed Cabdillaahi Farmaajo, ayaa la filayaa inuu maanta dalka Imaaraadka Carabta ku tago martiqaad rasmi ah oo ay dawladaasi u soo dirtay.
Mr. Farmaajo, ayaa wuxuu ku tagayaa dalkaasa diyaarad gaar ah oo loogu soo dirayo magaalada Muqdisho, waxaana ka sii horeeya oo shalay dalkaas tagay wasiirkiisa arrimaha dibadda Yuusuf Garaad Cumar oo gogol xaadh u sii samaynaya.
Warar uu Wargane helay ayaa xaqiijinaya in Madaxweynaha Somaliya uu madaxda dalkaas kala hadli doono dekedda Berbera iyo weliba saldhiga Imaaraadka Carabta ay dawladda Somaliland ka siisay Berbera.
Sidoo kale heshiiska dhawaan dhex maray Imaaraadka Carabta iyo Puntland ee ku saabsan dekedda Boosaaso ayay iyadana ka wada hadli doonaan.
Balse Sida ay xogahani sheegeen Madaxweynaha Somaliya wuxuu culayska saari doonaa arrinta saldhiga Berbera. Lama oga jawaabta ay dawladda Imaaraadka Carabtu ka bixin doonto, laakiin wararkan ayaa intaas ku daraya in dawladda Imaaraadku Madaxweyne Farmaajo ku wargelin doonto heshiis la filayo inay dhawaan al galaan madaxweynaha Jubaland Sheekh Axmed Madoobe oo ku saabsan dekedda Kismaayo.
