Koox hubeysan ayaa xeebaha Soomaaliya ka qafaashay markab sida shidaal sida maalintii Isniintii ayaa waxaa ay dalbadeen Lacag madax furasho ah , sida uu shaaciyay hawlgalka Midowga Yurub ee la dagaalanka burcad badeeda.
Maraakiibta dagaalka ee Midowga Yurub ee ku sugan xeebaha Soomaaliya ayaa xidhiidh la sameeyay ragga hubeysan ee afduubtay markabaasi oo lagu magacaabo Aris 13 waxaan mgaamusha shirkad fadhigeeedu yahay Imaaraadka Carabta.
Burcad badeeda ayaa la sheegay inaysan wali faahfaahin ka bixinin inta ay dhantahay ama ay leeg tahay lacagta madaxfurashada ah ee ay dalbanayaan.
Waa afdiuubkii ugu horreeyay oo ka dhaca xeebaha Soomaaliya tan iyo sanaddii 2012-kii.
Markabkan oo ka soo shiraacday Jabuuti ayaa ku socday caasimadda Soomaaliya ee Muqdisho markii uu diray qayladhaan isagoo sheegay in doomo xawaare sare ku socdo ay ku soo socdaan. Wixii intaa ka dambeeyayna qalabka lagula socdo dhaqdhaqaaqa markabka ayaa la damiyay.
Wasaaradda arrimaha dibedda ee dalka Sri Lanka ayaa xaqiijisay in 8 qof oo u dhashay dalkaasi ay saarnaayeen markabkaasi.
Dableyda markabka afduubtay ayaa masuuliyiinta deegaanka u sheegay inay yihiin kalluumaysato qalabakii ay kalluunka ku jillaabanyeen ay ka burburiyeen doomo waaweyn o si sharci darro ah uga jillaabta xeebaha Soomaaliya.
Cali Shire Maxamed Cusmaan oo ah guddoomiyaha degmada Caluula oo u dhaw goobta lagu hayo markabka la qafaashay ayaa BBC-da u sheegay inuu isku dayayo inuu ogaado in dableydani ay dhab ahaantii yihiin kalluumaysato ama burcad badeed abaabulan.
