Fadhigii saaka ee mudanayaasha golaha guurtida Somaliland oo uu shir gudoominaayey gudoomiyaha golahaasi Saleeban Maxamuud Aadan ayaa waxaa xildhibaanada la soo hor dhigay muddo kordhinta loo sameynaayo xukuumada madaxweyne Siilanyo
Gudoomiyaha golahaasi ayaa waxaa uu xildhibaanada ku war galiyey in arinta muddo kordhinta uu u saaray guddi ka kooban 21 xubnood isla markaana ay muddo laba cisho ah ka soo talo bixin doonan inta ay leekan doonto muddo kordhintaasi
Sidoo kale gudoomiyaha ayaa waxaa uu sheegay in sababta uu culeyska intaas leeg u saarayo ee gudidaas badan ugu saarayo arintan ay tahay culeyska ay leedahay iyo sidii cid waliba iskaga dhex arki laheyd .
Gudidan ayaa waxaa gudoomiye u ah gudoomiye ku xigeenka golahaasi Siciid Jaamac Cali isla markaana waxaa ay golaha hor keeni doonan go,aankooda maalinta Isniinta ah ee bishu tahay 06.03.2017
