Kooxda Al,Shabaab Oo Dil Toogasho Ah Ku Fulisay Askar Ka Tirsan Maamulka Koonfur Galbeed Ee Somaliya Maxkamada Al-Shabaab ayaa fagaare ku yaalla degaanka labaatan jirow ee gobolka Bay ka fulisay xukun dil ah oo lagu fuliyey askari ka tirsanaa ciidanka nabad sugida maamulka Koonfur Galbeed.
Ibraahim Aadan Qaasim oo 37 jir ah ayaa dhowaan u gacan galay Al-shabaab isagoo ku sugnaa hareeraha magaalada Baydhabo.
Ninkan ayaa waxay Maxkamada Al-shabaab ku eedeysay inuu ahaa basaas u shaqeynayey sirdoonka dowlada Somalia iyo kuwa reer Galbeedka, waxayna ku xukuntay dilka lagu fuliyey.
Dadweyne ku nool degaanka Labaatan jirow oo ay isugu yeereen Al-shabaab ayaa goob joog ka ahaa fulinta xukunkaas toogashada ahaa oo dhacay shalay gelinkii dambe.
Al-shabaab ayaa horey uga fuliyey degaanada ay weli kaga sugan yihiin Soomaaliya xukun sidan oo kale oo lagu toogtay dagaalyahano kooxdaas ka tirsanaa iyo dad kale oo lagu eedeeyey iney basaasiin ahaayeen.
