Somaliland: Madaxweyne Siilaanyo Oo La Kulmay Raysalwasaaraha Itoobiya

Somaliland: Premier Desalegn meets with President Silanyo
Somaliland: Premier Desalegn meets with President Silanyo

Madaxweyne Axmed Maxamed Siilaanyo ayaa shalay kulan la yeeshay raysalwasaaraha Itoobiya Hailemariam Desalegn.

Sida ay wakaaladda wararka ee Itoobiya baahisay, Madaxweyne Siilaanyo iyo raysalwasaare Hailemariam Desalegn waxa ay ka wada hadleen xidhiidhka iyo danaha labada wadan. “Labada hoggaamiye waxay is dhaafsadeen aragtiyaha lagu xoojin karo iskaashiga ganacsiga, maalgashiga, dhaqaalaha iyo horumarka” ayay warbixintu tidhi.

Wakaaladda wararka Itoobiya waxay sheegtay in sidoo kale ay Madaxweynaha iyo raysalwasaaraha Itoobiya ka wada hadleen sidii loo horumarin lahaa kaabayaasha dekedda Berbera, maadaama ay Itoobiya ka go’antahay inay dekedda isticmaasho si ay kor ugu qaado xidhiidhkeeda dhaqaale iyo ganacsi ee dalalka dunida.

Warbixintu waxa kale oo ay sheegtay inay Madaxweynaha Somaliland iyo raysalwasaaraha Itoobiya isku raaceen sidii la isaga kaashan lahaa sugida nabadgelyada iyo ammaanka gobalka iyo la dagaalanka argagixisada.

Madaxweyne Siilaanyo ayaa isna dhinaciisa sheegay inay raysalwasaaraha Itoobiya ka wada hadleen arrimo khuseeya danaha labada dal ee iskaashiga

Comments

comments