Waxaa maanta Hotel xamdi ee Magaalada Laascanood lagu qabtey xaflada daahfurka diwaangalinta codbixiyayaasha ee Gobalka Sool oo malinta Salaasada ah oo ku beegan 23 bishan aynu ku guda jirno ka bilaabmi doonta gobalka sool.
Xafladan daahfurka waxaa ka soo qeyb galay gudoomiyayaasha saddexda xisbi Qaran ee WADDANI, UCID iyo KULMIYE , dhamaan xubnaha gudida doorashooyinka oo uu hogaaminaayo gudoommiyaha gudidaas, wasiiro , xildhibaano haween, dhalintaro iyo marti sharaf kale .
Ugu horeyn waxaa madasha ka hadley xubin u hadleysay gudida doorashoyinka Somaliland waxana uu sheegay in gobalka Sool goobihiisa diwaangalintu ay yhiin 153 goobood,isla markaana ay 25 goobood oo ka mid ah ay noqon doonan gobalka Buuhoodle sidoo kale waxaa diwngalintan ka hawl gali doona 375 gaadhi .
Sidoo kale waxaa madasha ka hadley gudoomiyayaasha saddex xisbi ee Somaliland waxaana ay ugu baaqen dhamaan dadweynaha gobalka Sool in ay diwaangalintaasi ka qeyb qaatan oo ay is diwaangaliyaan si ay ula tartamaan bulshooyinka kale ee ku dhaqan gobalada Somaliland isla markaana codkooda ugu ciil baxaan una doortaan masuulka ay aarkaan uu wado danta qaranka iyo masiirka shacabka Somaliland.
Gobo gabadii Gudoomiyaha gudida doorashoyinka oo madasha hadalo kooban ka yidhi waxaa uu shacbig reer Sool uga mahadnaqey sida wacan ee ay u soo dhaweeyeen waxaana uu ugu baqey in y diwaangalinnta ka qeyb qaatan,isaga oo shacabka deegaanada ay ka bilaabmayso diiwaanglintuna ugu baaqay inay la shaqeeyaan ciidanka iyo shaqaalaha diiwaangalinta ka shaqaynaysa,sidoo kalena ay wada jir uga hor tagaan wax kaste oo khal-khal galinaya diiwaangalinta.
