Garabkii Jamaal Cali Xuseen Oo Magacaabay Shan Xubnood Oo Uga Qayb Galaya Qaban Qaabada Shirwayanha Xisbiga+Magacyada Shanta Xubnood Iyo Warar Sheegaya In Garabkii Gudoomiye Faysal Qaadaceen Go’aamadii Gudida
Garabkii uu hogaaminayay musharaxa madaxwayne ee xisbiga UCID aqoonyahan Jamaal Cali Xuseen ayaa iyagu ku dhawaaqay shanta xubnood ee uga qayb galaya qaban qabada shirwayanaha xisbiga oo ay go’aamiyeen gudida diiwaangalintu in lagu qabto muddo afar casho ah gudahood.
Waxaana ku dhawaaqista shanta xubnood ee garabka Jamaal Cali Xuseen shaaciyay gudoomiye ku xigeenka saddexaad ee xisbiga UCID Mujaahid Cali Guray,
Waxaana qoraalka ku dhawaaqista shanta xubnood bartiisa xidhiidhka bulshada ku baahiyay Mujaahid Cali Guray, waxaana qoraalkaasi uu u dhigna sida tan.
UCID
Xisbiga Cadaaladda Iyo Daryeelka
Justice and Welfare Party
حزب العداله والرأة
27/0716
Ku: Gudoomiyaha Xisbiga UCID
Faysal Cali Xuseen
Og Musharaxa Jagada Madaxwaynaha
Jamaal Cali Xuseen
Og Gudida Diiwaangelinta Ururada/K.S Xisbiyada
Sumad: Gx-3/04/16
Ujeedo: Magacabista Xubnaha Gudida
Qabanqaabada Shirwaynaha
Markaan arkay Heshiiskii Midnimada Xisbiga UCID ee ku taariikhaysan 12/07/2012
Markaan arkay Go’aamadii Kalfadhigii 5aad ee Golaha Dhexe ee Xisbiga UCID ee ku taariikhsan 28/10/2012
Markaan arkay Go’aankii Gudida Diiwaangelinta Ururada Siyaasadda Iyo Kala Saaridda Xisbiyada Qaranka
Markaan arkay xaaladda cakiran ee khilaafka gudaha Xisbiga iyo baahida Xisbigu u qabo in sida ugu dhakhsaha badan uu Shirwaynaha aan caadiga ahayn ee Xisbigu u qabsoomo si gebi ahaanba loo soo af jaro khilaafka xisbiga
Waxan halka kuugu soo gudbinayaa liiska magacyada 5tii xubnood ee Gudida Qabanqaabada Shirwaynaha dhinaca Musharaxa Jagada Madaxwaynaha JAMAAL CALI XUSEEN
- Aaden Suld. Cabdiraxmaan Suldaan Diirye
- Xuseen Caynaan Faarax
- Xuseen Xasan Badmaax
- Aadan Cali Yoonis
- Cali Maxamed Xasan
Hadaba waxanu u aragnaa in wakhtigu cidhiidhi inagu yahay oon loo baahnayn in aynu lumino maalin keliya si Shirwaynuhu ugu qabsoomi karo 45 maalmood gudahood, sida ku cad go’aanka Gudida Diiwaangelinta. Waxan soo jeedinayaa in 10ka xubnood ee Gudida Qabanqaabadu ay fadhigooda ugu horeeya yeeshaan maalinta Sabtida 30/07/16
Wa Bilaahi Tawfiiq.
Cali Maxamed Yussuf
G/xigeenka 3aad .
Dhanka kale warar hoose oo aan helayno ayaa sheegaya in garabkii kale ee uu gudoominayay gudoomiye Faysal Cali Waraabe ay saluug badan ka muujiyeen go’aamadii ay soo saareen gudidu, iyada oo sida naloo sheegayna gudoomiye Faysal la filayo inuu racfaan ka qaato go’aamadii gudidu soo saareeen.
Ilaaa hadda lama garanayo sababta uu gudoomiye Faysal iyo grabkiisu ay usoo magacaabbi waayeen xubnihii shanta ahaa ee uga qayb galayay qaban qaabada shirwaynaha xisbiga tasi oo ay gudidu go’aamiyeen in garab kastaaba iska soo saaro shan xubnood oo matalaya.
