Hog-hayaha Dib u Dajinta Xisbiga Waddani oo Sheegay in Dagaal Gacan ka Hadal ah uu ku soo qaday Wasiirudawlaha Shaqada Arrimaha Bulshada
Markii Wasiirku ku Guuldareystay in uu ku Qanciyo Beesha Ayuub in ay taageeran Xisbiga Kulmiye sido kalena uu wayey kalsoonida Beesha Ayuub, Wuxu Bilaabay in uu Suuqyada ku dhex dagaalamo
Wasiirudawlaha Wasaarada Arrimaha Bulshada Cabdi Daahir Camuud ayaa la sheegay in uu Dagaal gacan ka hadal ah ku qaaday Xog-hayaha Dib u dajinta Xisbiga Mucaaridka ee Waddani Jamaac Maxamed Hilaac.
Xog-hayaha Dib u dajinta ee Xisbiga Mucaaridka ee Waddani Jamaac Maxamed Hilaac oo Khadka Telefoonka kula soo xidhiidhay Xallay Wargeyska Waaheen ayaa sheegay in dagaal dagaal gacan ka hadal ah uu ku soo qaaday Wasiirudawluhu, waxaanu tilmaamay in isaga oo ku sugan Hotel Emperial uu Dagaal ku soo qaaday Wasiirudawlaha shaqada iyo arrimaha bulshada Cabdi Daahir Camuud.
Xog-hayuhu wuxu sheegay in markii Wasiirku ku guuldareystay in uu ku qanciyo Beesha Ayuub in ay taageeran Xisbiga Kulmiye sido kalena uu wayey kalsoonida beesha Ayuub, wuxu Wasiirku Bilaabay in uu Kibir iyo dagaal ula tago masuuliyiinta Beesha Ayuub ee isaga ka soo hor jeeda hogaamintiisa oo ah mid aan aqoon iyo Cilmi ku dhisnayn” ayuu yidhi Jamac Hilaac.
