Xildhibaan Cabdixakiim Cumar Budeeye oo ka mid ah Golaha Guurtida Somaliland ayaa ka marag furay Wax qabadka Xukuumadda Madaxweyne Siilaanyo ay dalka ka hir galisay oo uu ku tilmaamay in ay tahay Xukuumaddii ugu wax qabadka badnayd ee dalka soo marta isla markaana Madaxweyne Axmed Siilaanyo ku hambalyeeyay hoggaaminta wanaagsan ee uu dalka ku hagayo.
Waxaanu xisbiyada Mucaaridka u soo jeediyay in ay la yimaadaan siyaasad cad iyo barnaamij dadka u cuntama oo lagu dooran karo kana waan toobaan hadalada aan wanaagsanayn ee ay ku mucaaridayaan waxqabadka Xukuumadda.
Xildhibaan Budeeye oo Shalay u Waramayay wargeyska dawan, ayaa intaa ku daray in loo baahan yahay in laga marag furo wax qabadka wanaagsan iyo horunarka dhan walba leh ee ay dalka ka hir galisay intii ay Xukuumadda KULMIYE talada haysay.
Cabdixakiim Cumar Budeeye oo arimahaa ka hadlayayna waxa uu yidhi. “Xukuumada talada haysaa waa xukuumaddii ugu wax qabadka badnayd dalka soo marta waxaana gadhwadeenka ka ah Mdaxweyne Axmed Maxamed Maxamuud Silaayo oo ah siyaasi wadanka aqoon u leh dalka oo aanay jirin cid gaadhi karta mustawihiisa siyaasadeed, waxay Xukuumada KULMIYE qabatayna maaha wax la qarin karo hadday tahay caafimaadka, biyaha iyo arimaha bulshadaba waxaanan Madxweynaha ku hambalyaynayaa idaacadda quraanka ah ee afar iyo labaatanka saacadood la dhagaysanayo qof walibana wax buu ka tegayaa oo madaxtinimada dalka soo qabtaa.dalkana waxa uu ku hogaaminayaa Madaxweyne Siilaanyo si daacad iyo xilkasnimo.”
Xildhibaanku waxa uu sigaara u amaanay Wasiirka Madaxtooyada Maxamuud Xaashi Cabdi oo ku tilmaamay siyaasi ruug cadaaya oo ka soo baxay hawshii uu qaranka u hayay.waxaanu yidhi “Wasiirka Wasaarada Madaxtooyada Maxamuud Xaashi Cabdi waa shakhsi khibrad u leh shaqada uu hayo waa Wasiir shaqadiisa ka soo baxay intii u hayay xilka wasaarada Madaxtooyadana shaqo wayn ayuu qabtay ,waxaana aan aamin sanahay in uu kasoo baxay hawshii uu qaranka u hayay waanan ku hambalyaynayaa.waana in la sheego shakhsigii wax qabta ee dalka masuul looga dhigo lamana xaqiro qofka wax qabta waxaanan odhan lahaa Wasiirka Madaxtooyadu shaqo wayn ayuu qabtay hadday wasaarada gudaheeda tahay iyo haday tahay Madaxtooyada waanu ka soo dhalaalay waajibaabkiisii markii uu wasiirka duulista ahaana wax wayn ayuu qabtay madaarka Hargeysa oo waxa uu dhisay dhabbaha diyaaraduhu ka haadaan soona fadhiistaan ee madaarka oo uu dheereeyay,’’ayuu yidhi .xilhibaanku.
Xildhibaan Budeeye waxa kale oo uu sheegay in Xisbiyada mucaaradka aanay wax ba ku helayn qabyaalada ay umadda ka dhex wadaan.waxaana uu usoo jeediyay in ka waantoobaan qabyaalada.
“Xisbiyada mucaaridkana waxaan leeyahay waxba ku heli maysaan qabyaalad aad umadda ka dhex wadaan ee waxaad wax ku helaysaan barnaamij siyaasadeed oo muuqda oo dadku ku qancaan,laakiin dawladi ma jirto iyo wax la mid ah taasi mucaaradnimo maaha wax soconayana maaha waxbana keeni mayso in mucaaradnimada qabiilnimo loo adeegsado waxa aan leeyahay dadka qabyaalada halaga daayo,’’ayuu yidhi.xildhibaan Budeeye.
