[quote]“Waxaan qabaa inaan hogaaamin karo Umadd balaadhan, laakiin Hankaygu waa mid waaqaca ka turjumaya ma degdegsani, ma lihi imikaan sharaxanahay” Wasiir Xaashi[/quote]
Wasiirka Wasaaradda Duulista Hawada iyo Gaadiidka Cirka Somaliland Md, Maxamuud Xaashi Cabdi ayaa ka fal celiyey su’aalo ay waraahintu ka waydiisay hankiisa siyaasadeed iyo halka uu gaadh siisan yahay.
Wasiir Maxamuud Xaashi ayaa sheegay inuu leeyahay han weyn oo siyaasadeed balse aanu wakhtigan ku degdegsaneyn arintaasi isla markaana hankiisu uu yahay mid waaqa ka turjumaya, imikana aanu sharaxnayn.
Wasiirka Duulisa Somaliland oo maalintii shalay la hadlay Saxaafadda ayaa mid ka mida Wariyeyaashu uu waydiisay su’aal ku saabanayn inuu leeyahay han madaxweynenimo, waxaanu Mudane Maxamuud Xaashi Cabdi ayaaa arrintaasi kaga jawaabay sidan “ waaa su’aal fiican, Siyaaadda kamaan bilaabin Wasiirnimo, waxaan ka soo bilaabay meel hoose, waxaaan ka soo bilaabay anigoo labaatan jir ah oo dugsigii sare ka baxay ayaan ku biiray ururkii SNN ee halgankii xoraynta dalka, waxaan ka soo qabtay maamulo, buurtaas dheer ee halka u saraysaa Madaxweyne tahay, hoostaan ka soo fantay, Maayar ayaan soo noqday, Xildhibaan ayaan soo noqday, han weyn baanan leeyahay dabcan, qofka bani aadamka ahina sideedaba hanbuu leeyahay, ana Han weyn ayaan leeyahay, waxaan qabaa inaan hogaaamin karo Umadd balaadhan, iyo inaan horumar balaadhan samayn karo, laakiin Hankaygu waa mid waaqaca ka turjumaya ma degdegsani, ma lihi imikaan sharaxanahay, laakiin ma han li’i.” ayuu yidhi Mudane Maxamuud Xaashi.
