Dabley hubeysan ayaa goor dhawayd weerar ku qaaday gaari ay wateen labo xildhibaan oo ka tirsan Baarlamanka Federaalka Soomaaliya, xilli ay marayeen waddada muhimka ah ee Makka Al-mukarama ee magaalada Muqdisho.
Wararka horudhaca ah ayaa sheegaya in rag hubeysan ay gaari ku horgooyeen gaariga ay xildhibaanadu wateen dabadeedna rasaas ay ku fureen.
Weerarkaasi waxaa ku dhaawacmay Xildhibaan Yuusuf Maxamed Dirir, iyadoo xildhibaanka kale oo la yiraahdo Cabdala Boos Axmed uu ka badbaaday weerarkaasi.
Sidoo kale waxaa dhaawacmay darawalkii gaariga sida uu BBC-da u sheegay xildhibaan ka tirsan Baaralamanka Federaalka ee Soomaaliya.
Dhawaaca xildhibaanka iyo darawalka ayaa loo qaaday isbitalka Daarushifa ee isla magaalada Muqdisho.
Dhinaca kale weerar saaka ka dhacay degmada Wadajir ayaa sidan oo kale lagu dilay labo qof oo midkood uu u shaqaynayay dawladda federaalka iyadoo dableydii weerarka gaystay ay baxsadeen.
Wixii ka soo kordha warkan halkan ayaan idinkugu soo gudbin doonnaa.
