Fallaagada Xuuthiyiinta Yemen ayaa la sheegayaa in ay bur-buriyeen xabbadjoojintii bilaamatey habeenimadii Salaasadda taas oo ahayd shan maalmood oo dadka baahan la gaarsiinayo gar-gaar.
Xulafada dagaalka kula jirta Fallaagada Xuuthiyiinta ee Sucuudigu hoggaamiyo ayaa sheegey in saacadihii u danbeeyey Xuuthiyiintu ay madaafiic ku garaaceen bariga dalka Sucuudiga. Sidoo kale Xulufada ayaa sheegaya in Xuuthiyiintu Madaafiic ku garaaceen magaalada Yemen oo ay qaybo badan ka haystaan Malayshiyaadka taabacsan Madaxweynaha dibad jooga ah ee Yemen.
Xabbad joojin shan maalmood ah ayaa Sucuudigu ku dhawaaqey, taas oo Xuuthiyintu soo dhaweeyeen, si dadka baahan loo gaarsiiyo cunno iyo daawooyin, waxaana ay bilaamatey saqdii dhexe 12 Maajo 2015.
Lama oga in xulafada Sucuudigu hoggaamiyo dib u bilaabayaan duqeymihii cirka iyada oo aysan dhamaan shantii maalmood ee xabbad joojinta ahayd
