Madaxweynaha Koonfur Afrika Jacob Zuma ayaa sheegay in dalkiisa aan laga necbayn ajaanibta xili ay weeraradii ugu danbeeyey sumcad xumo usoo jiiday wadankaasi.
Zuma ayaa sheegay in inta badan shacabka Koonfur Afrika aysan wax cadaawad ah u hayn dadka ajaanibta ah, balse rabshadaha noocaan ah ay horey uga dhici jireen dalkiisa.
Hadalka Madaxweynaha Koonfur Afrika ayaa kusoo beemaya xili todobaadkan ay dowladiisa hawlgelisay ciidamada Militariga inay booliiska gacan ka siiyaan dajinta rabshadaha ka dhacay qeybo kamid ah wadankaasi.
Indhaha caalamka ayaa sanadkan si weyn ugu soo jeestay wadanka Koonfur Afrika oo ay ka dhaceen weeraro lagu qaaday dadka ajaanibta ah ee ganacsta, walow aysan ahayn markii ugu horeysay oo falal noocaan ah ka dhacaan dalkaasi.
