Iraq:Xabaal wadareedyo laga baarayo Tikrit

Kooxaha baaritaanka ee ku sugan magaalada Tikrit ee dalka Ciraaq, ayaa bilaabay in ay faaqaan 12 goobood oo laga shakisan yahay in ay yihiin xabaal wadareedyo, maalmo kadib markii magaaladaasi laga saaray xooggaga Daacish.

Xabaalaha ayaa la rumeysan yahay in ay ku jiraan meydadka ku dhawaad 1,700 oo ahaa askar ka tirsan Shiicada Ciraaq, kuwaas oo ay xasuuqday Daacish bishii June ee lasoo dhaafay.

Askarta ayaa lagu qabsaday meel aan ka fogeyn saldhigii hore ee ciidammada Mareykanka, Camp Speicher, oo u dhow magaalada Tikrit.

Dilkooda ayaa muujinayay arxan darrada iyo naceybka ay Daacish u qabto Shiicada Ciraaq.

Goobaha askartaasi lagu duugay ayaa waxaa ka mid ah xaruntii hore ee uu Sadaam Xuseen ku lahaa Tikrit, taasoo markii dambe noqotay xarun ay leedahay Daacish.

Comments

comments