Safarkii Madaxweyne Siilaanyo ayaa Mardhawayd Ka Soo Baxay Wajaale waxaanay ku soo Aadan yihiin Tuulooyinka Boodhlay,Lafta Boqor,Ijaara,Taysa Iyo Xidhanta,waxay sida la sheegay waftiga madaxweynuhu woxogaa ku nasan doonaan tuulada Xidhinta oo la sheegay in looga sii diyaariyay meel uu ku nasto.
Dad weyne aad u badan oo tuulooyinkaasi iyo nawaaxigeeda ku nool ayaa caleemo qoyan ula diyaar ah waftiga madaxweynaha,waxa ay saaka salaadii soo istaageen jidka uu soo marayo hareeraheeda iyagoo aad ugu hamuumqaba inay arkaan madaxweynahooda.
waxa waftiga madaxweynaha Woxogaa Cuwaaf ah iyo dhiilal caano ah loogu sii diyaariyay halka jidka Allaybaday dhismaheeda laga bilaabay oo ah meel u dhaxaysay tuulooyinka Taysa iyo Xidhinta halkaasi oo ay ku sugayaan daweyne aad u tiro badan oo iskaga kala yimid Hargeysa,Gabiley iyo magaalooyinka Degmada Allaybady maamusho,waxa ay duhurka ka qadayn doonaan Magaalada Allaybaday waxaana loo sii goglay guriga martida oo uu madaxweynuhu Xadhiga ka jarayo. Madaxweyne Siilaanyo ayaa mashaariic kala duwan xadhiga kaga jari doona degmada Allayabday.
