Somalia: Al-shabaab oo ciidamada dowladda ku weeraray duleedka Baydhabo

Xoogag ka tirsan ururka Al-shabaab ayaa saaka weerar ku qaaday xero ciidan oo ay ku sugnaayeen ciidamada dowladda oo 5 Km u jirta magaalada Baydhabo ee gobolka Baay.

Dagaal adag ayaa ku dhexmaray ciidamada dowladda iyo xoogagii Al-shabaab waxaan laga soo sheegay in khasaaro dhimasho iyo dhaawac iskugu jira uu soo kala gaaray labada dhinac.

Saraakiisha dowladda ee gobolka Bay ayaa sheegay in ciidamada dowladda ay Shabaab ka dileen ugu badnaan 9 qof halka ay sheegeen in dhaawacyadooda ay la baxsadeen, waxay saraakiishu qirteen in dhankooda laga dilay shan Askari dhaawacna uu soo gaaray 7 askari.

Ciidamada Dowladda ee ku sugan gobolka Baay iyo kuwa AMISOM ayaa baaritaano ka bilaabay deegaamada hoos yimaada magaalada Baydhabo iyagoo dadaal xoogan ku bixiyey halka dagaalka uu ku dhexmaray ciidamada dowladda iyo Al-shabaab.

Comments

comments