Golaha Ammaanka ee Qaramada Midoobeey ayaa diiday qaraar qabyo ahaa oo Falastiin ku saabsan, kaas oo ay gudbisay dowladda Urdun, kuna baaqayo in haysashada Israa’iil ee dhulka Falastiin lagu soo afjaro seddax sano gudahood.
Qaraarka oo sidoo kale Falastiin u aqoonsanaya inay dal tahay ayaa u baahnaa sagaal cod si uu u meel maro, laakiin waxaa ogolaatay sided dal oo keli ah.
Laba dal ayaa diiday qaraarka, kuwaas oo kala ah Australia iyo Mareykanka, waxayna ku doodeen inuusan ka turjunmeynin amniga Israa’iil.
Shan dal oo ay ka mid yihiin Britain iyo Nigeria ayaa diiday qaraarka.
Safiirka Jordan ee Qaramada midoobeey, Dina Kawar ayaa sheegtay in codka lagu diiday qaraarkan uusan hor istaageynin dadaalka xalka loogu raadinayo dagaalada.
Wakiilka Israa’iil ee UN-ka, Nitzan, ayaa si adag uga hor imaaday qaraarka oo diiday.
Falastiin ninka wakiilka uga ah Qaramada midoobeey, Riyad Mansour, ayaa sheegay in codeynta ay muujineyso sida beesha caalamka ay u daneyneyso arrinta Falastiin.
Source: BBC Somali
