Hargeisa (Wargane News) Guddoomiyihii hore ee Fulinta Bangiga Anglo Irish Bank, Mike Aynsley ayaa ku soo biiray Guddiga Sare ee Adeegga ganacsiga Lacagaha ee Afrika (The African money service business (MSB) ee Shirkadda Soomaaliyeed ee Xawaalladda Dahabshiil Transefer Services.
Waxa kaloo uu oggolaaday inuu noqdo Agaasimaha KMG ee Maamulka ee Shirkadda ku leedahay gudaha dalka Britain, halkaasi oo uu ku yaallo Suuqa Xawaaladda ee ugu weyn ee Lacagaha u dira Somalia, taasi oo sannadkiiba laga xawilo lacag dhan 500-million oo Dollar.
Shirkadda Dahabshiil waxaa u shaqeysa 5,000 oo qof oo ka hawlgala 286 Xarumood oo ku taalla gudaha dalka Somalia, waxayna faracyo ku leedahay 150-waddan, iyadoo dalka Britain oo keliya u joogaan 180-Wakiillo Xawaaladeed. Guddoomiyihii hore ee Fulinta Bangiga Anglo Irish Bank, Mike Aynsley waxa uu tilmaamay inay Hawshiisa cusub tahay sidii uu u hubin lahaa Hawlaha Ganacsi ee Xawaalladda caadi ugu hawl-galayso.
“Somalia ma laha Nidaam Maaliyadeed, waana taasi tan keentay inay Shirkadda Dahabshiil buuxiyaan Kaalinta Nidaamka Bangiyeed” ayuu yiri Mike Aynsley oo intaasi ku daray inay Dahabshiil tahay mid ammaan oo qaab nadiif ah lacagaha ugu dirta gudaha dalka Somalia.
Waxa uu intaasi ku daray in Lacagaha Xawaaladaha ku miisaan yihiin Lacagaha ay Beesha Caalamka ku taageeraan Somalia,si horey loogu socodsiiyo HAWLAHA Siyaasadda, Samafalka iyo deganaanshaha Dhaqaalaha. Shirkadda Dahabshiil waxaa kaloo isticmaalaa Hay’adaha Samafalka ee Lacagaha u dira gudaha dalka Somalia, waxaana macaamiisheeda ka mid ah Hay’adda Mo Farah Foundation, Oxfam iyo QM.
Xigasho:- Irish Times
