Kooxda Chelsea ayaa guul 2-1 ah kaga gaartay dhigeeda Barcelona kulan ka tirsan ciyaaraha saaxiibtinimo ee isku diyaarinta xili ciyaareedka cusub, kaasoo ka tirsanaa Rakuten Cup.
Waxaa kulankan ka soo muuqday saxiixyada cusub ee labada kooxood iyadoo safka hore ay ku soo bilaawdeen xiddigaha Christian Pulisic oo Chelsea ah, iyo Griezmann oo Barcelona ah.
Qeybta hore ee ciyaarta ayaa lagu kala nastay 1-0 ay ku hogaamineysay kooxda Chelsea.
Daqiiqadii 34-aad kooxda Chelsea ayaa hogaanka u qabatay ciyaarta, kaddib markii ay gool ka heshay xiddigeeda Tammy Abraham, waxayna dheesha sidaas ku noqotay 1-0.
Qeybta labaad marka dib leysugo soo noqday labada kooxood ayaa waxay sameeyeen qaab ciyaareed cajiib ah, waloow ay Chelsea u muuqatay inay sameysay fursado kabadan Barcelon.
Daqiiqadii 81-aad Ross Barkley ayaa hogaanka u dheereeyay kooxda Chelsea wuxuuna ciyaarta ka dhigay 2-0.
Laakiin daqiiqadii 90-aad Ivan Rakitic ayaa gool u dhaliyay kooxdiisa Barcelon, waxayna dheesha sidaas ku noqotay 2-1.
Ugu dambeyntii kulanka ayaa ku soo idlaaday 2-1 ay guul ku gaartay kooxda ka dhisan Galbeedka magaalada London ee Chelsea, xili kulankan uu ahaa mid saaxiibtinimo ee ka tirsanaa Rakuten Cup.
