Maxkamadda magaalada Mandheera ayaa laba haween ah waxaa ay ku xukuntay 30 sanno oo xabsi ah kaddib markii lagu helay in ay gabadh Soomaali ah oo aysan iyagu dhalin dhoofinayeen.
Haweenkan oo kala ah Kheyrto Ibraahim iyo Xaliimo Aadan Xasan,waxaana lagu eedeeyay in gabar 10 jir ah ay bishii la soo dhaafay ka wadeen Soomaaliya doonayeenna in ay geeyaan Nairobi.
Gabadh la dhalatay Xaliimo ayaa sheegtay in gabadha ay wadeen aan la soo afduuban ee ay ahayd gabadh qaraabo ah oo ay Nairobi u wadeen.
Waxaana ay sheegtay in xukunka Maxkamadda uu yahay mid lagu deg degay, waxaa ay sheegtay in Xaliimo aysan aqoon maxkamaddaha iyo sidoo kale luuqadaha Ingiriiska iyo Sawaaxiliga oo Maxkamadda looga hadlayay.
Xaliimo ayaa la sheegayaa in ay heysato 9 carruur ah oo agoon ah, waxaana ehelkeeda xukunkan ka muujiyeen walaac weyn.
Booliska Kenya ayaa gabadha yar guddaha u geliyay Soomaaliya,waxaana ay sheegeen in sharciga Kenya uusan oggolaaneyn in Gabadhaas ay ku sii noolaato Kenya.
