Xildhibaan Axmed Maxamed Diiriye (Nacnac), ayaa Madaxweynaha cusub ee Somaliland loo doortay mudane Muuse Biixi Cabdi u soo jeediyey talooyin muhiim ah kuwaasi oo ay ka mid tahay in aanu soo celinin dawlad aanay ku jirin oo uu ka reebo xubnihii golaha wasiirradda ee xukuumadda Siilaanyo
Md. Axmed Maxamed Diiriye (Nacnac), ayaa isaga oo Saxaafadda Hargeysa kula hadlaayey, waxa uu Madaxweynaha cusub ee loo doortay mudane Muuse Biixi Cabdi u talooyin ka siiyey Xukuumadda cusub ee uu soo dhisi doono in aanu ku soo darin xubnaha golaha Wasiiradda ee Xukuumadda imika xilku ka dhamaaday ka midka ah, isaga oo sido kale ku la taliyey madaxweynaha la doortay in uu dhiig cusub iyo dhalinyar karti iyo aqoon qaranka ugu shaqaysa sida Guddoomiyaha Hay’adda Shaqaalaha Dawladda Sland md Sharmarke Axmed Muxumed Geelle oo kale xukuumaddiisa ku soo dhiso kuna soo daro, waxaanu xildhibaanku ku hanjabay hadii lagu soo daro wasiiraddii hore golaha wasiiradda ee cusub ay Baarlamaanku daaqada ka tuuri doonaan oo aanay ansixin dooni wasiir hore loo bartay.
Xildhibaan Nacnac oo madaxweynaha la doortay ee Somaliland Muuse Biixi Cabdi kula taliyey in aanu wasiirradii xukuumadda hada xilku ka sii dhammaanayo ku soo dirin dawladiisa, waxaannu yidhi “Walaahi mujaahidka Madaxweynuhu Md. Muuse Biixi Cabdi ilaa hada aad iyo aad ayuu u wanaagsan yahay, waxaan kula talin lahaa dhiig cusub ayaa loo baahan yahay oo dhallinyaro ah oo nimankii wasiirrada ahaan jiray ee aynu garaneyno ee dhiig miiratada ahaa waa dhiig miirato ayey ahaayeen waa in aanu madaxweynuhu kuwa waxba inagaga soo celinin anigu Inanta Samsam la hadh ayaan odhanlahaa oo Samsam na dooni maayo ayey tidhi (Xilka Wasiirnimo), waa in Madaxweynuhu uu dhalinyar 25 Jir yarka Sharmarke Geelle oo kale oo waddanka u shaqaynaaya waa in uu keeno meesha oo aanu qabiil u kala eegin oo sida uu Madaxweyne Muuse Biixi sheegay waa runtii ee hadii qabiil qudha la wada siiyo 40-ka ama 30-ba qaar ayuumba qatan.”
“Waxaan kula talinlahaa aniga oo golaha Xildhibaanadda Baarlamaanka ka mida hadii uu Madaxweynaha cusub dawladda uu soo dhisaayo uu kuwii hore ee Wasiiradda ahaa soo celiyo ansixin mayno ha ogaado kuwii hore imikaba ansixin mayno hadii mid kaliya laga soo celiyo ma ansixinayno ayaanu leenahay,”ayuu yidhi Xildhibaanku.
