Wafti balaadhan oo xisbiga WADDANI ah isla markaana uu hogaaminayo gudoomiyaha ahna murrashaxa madaxwayne ee xisbiga WADDANi Dr Cabdiraxmaan Maxamed Cabdilaahi “Cirro” ayaa saaka u safraya deegaanada degmada Salaxley ee gobolka Maroodi-jeex.
Waftigan balaadhan oo ay qayb ka yihiin hogaanka sare iyo masuuliyiinta xisbiga WADDANI ayaa waxay socdaallo ku marayaan sida lagu wado deegaanada degmada Salaxley,waxaana ujeedada socdaalkoodu ay tahay u guur galida xaaladda dad iyo duunyo ee deegaanadaasi iyo soo dhawaynta taageerayaal tiro badan oo kusoo biiray xisbiga WADDANI oo ay kamid yihiin 7 xildhibaan oo shalay iska casilay xisbiga KULMIYE.
Waftigan ayaa goordhaw ka dhaqaaqi doona magaalada Hargeysa.
