War deg deg ah oo hadda soo gaadhay xafiiska shabakada wararka Ramaasnews ayaa waxay sheegayaan in goor dhawayd uu askari ka tirsan ciidanka Booliska Somaliland uu magaalada Hargeysa dil toogasho ah ku dilay laba wiil oo dhalinyaro ah oo kamid ah dhalinyarada caasimada Hargeysa.
Askarigan ayaa labadan wiil ku dilay magaalada Hargeysa gaar ahaana xaafada Cabbaaye.
Maydkan labadan wiil ayaa hadda lasoo gaadhsiiyey cusbitaalka magaalada Hargeysa,iyaga oo la dhigay qolka Maydka ee cusbitaalka.
Ilaa hadda ma cadda sababta uu askarigan u dilay labadan wiil ee dhalinyarada ah,balse xogo kazoo baxaya dilkan ayaa waxay sheegayaan in labadan wiil ee dhalinyarada ah ay qorigii askarigu sitay ku qabsadeen sidaasna uu ku dilay askarigu labadan wiil.
Gabagabadiina cusbitaalka magaalada Hargeysa ayaa hadda lagu buuqsan yahay,waxaana soo buux dhaafiyey dad tiro badan.
