Ruushka ayaa hanjabaad culus u direy Maraykanka, kadib markii maalintiiAxadda Maraykanku soo rideen diyarad ay iska lahaayeen ciidanka Bahsar al-Asad ee dowladda Suuriya.
Ku xigeenka Wasiirka Arrimaha Dibadda ee Ruushka ayaa soo ridida diyaraadda Ciidanka Siiriya ee hoostaga Bashar Asad ku tilmaamey xadgudub jebinaya sharciga caalamiga ah.
Wasaaradda Difaaca ee Ruushanka ayaa ku dhawaaqdey in la joojiyey oo la hakiyey dhamaan wada shaqeyntii macluumaadka ee hawada Siiriya ee ka dhaxaysey Xulafada Maraykanka iyo Ruushka, Waxaana warka lagu sheegay in dhamaan diyaaradaha soo gala xayndaabkooda (Zone) ay yihin kuwo cadow ah oo ay bartilmaameedsanayaan.
Diyaaradaha Ruushanka ayaa inta badan isticmaala Galbeedka webiga Eufrat ayaa lagu sheegay warka Ruushka in diyaarad kasta oo khadkaas soo gashaa ay bartilmaameed u noqon doonto, waxaana Ruushku khad ka dhigteen Galbeedka Eufrat.
Maraykanku weli kama hadlin hanjabaada ka soo baxdey Ruushka. Khubaro badan ayaa horey uga digey in dagaalka Siiriya uu saameyn karo in uu dhaliyo dagaal ay wada galaan quwado kale oo dano kala duwan ka leh Siiriya.
