Madaxweynaha dowladda Puntland Cabdiweli Maxamed Cali Gaas iyo wafti uu hoggaaminayo oo maalmahan booqasho ku maray Wadamada Scandenevianka ee Qaarada Yurub ayaa gaaray caasimadda wadanka finland ee Helisink
Madaxweynaha iyo waftigiisa waxaa soo dhaweeyay Jaaliyadda reer Puntland ee wadanka Findland ee marka la soo gaabiyo loo yaqaan PEDAN, waxaana loo gudbiyay Dhismaha martida maamuuska gaarka ah leh ee booqashada ku yimaad dalka Finland
“PEDAN oo ah bud dhigaha imaansha madaxwaynaha waxaanu soo dhawayn leh qiimo sare oo aan loo kala harin jaaliyada dagan Finland,Aqoon yahano,culimadii diinta,dhalinyaro leh wiilal iyo gabdho,rag iyo dumar aanu ku soo dhaweeynay caleemo qoyan oo lagu soo dhawayeeyay Madaxwaynaha Dr Abdiwali Gaas” ayaa lagu yiri warsaxafadeed ay ka soo saaray booqashada Madaxweynaha
Jaaliyadu waxay sheegtay in madaxwaynuhu uu u yimid dalkan arrimo shaqo oo ku saabsan xiriirka Puntland iyo Finland , waxa uu sidoo kale la hadli doono jaaliyadda Soomaaliyeed ee Puntland ee degan dalkaasi.
Gabagabadii, Madaxweynaha iyo waftigiisa waxay safar ku soo mareen Wadamada ingiriiska, Norway iyo dalka Sweden halkaasi oo ay kula kulmeen Jaaliyaddaha Reer Puntland ee ku nool wadamadaasi oo uu uga warbixiyay xaaladda dadka iyo dalku ku sugan yihiin.
