War ka soo baxay taliska ciidanka KDF ee dalka Kenya ayaa sheegaya in ay dileen 52 ka mid ahaaa ururka al-Shabaab.
KDF ayaa sheeganaysa in ay gacanta ku dhigeen hub iyo rasaas aad u badan, ayna burburiyeen saldhig al-Shabaabku lahaayeen deegaanka Badhaadhe ee Jubada Hoose.
Waxa lagu sheegay war saxaafadeedka in hawlgalku ka dambeeyey markii ay ogaadeen in goobtaasi ay isku urursanayeen maleeshiyada Al-Shabaab.
Dad ku dhaw deegaanka Badhaadhe ayaa sheegaya in ay arkayeen diyaaradaha qumaatiga u kaca oo duqeynaya deegaan lagu magacaabo Sangaabo oo ku dhaw Badhaadhe.
Ma jiro wax war ah oo ka soo abxay al-Shabaab oo ay ku beeninayaan weerarkan.
Kenya waxaa Soomaaliya ka jooga kumaankun askeri o ku jooga magaca AMISOM, waxaana ay ka hawlgalaan gobolada Jubada Hoose iyo Gedo.
