Waxaa goor dhaweyd magaalada Hargeysa kaga dhawaaqey in uu is casilay la taliyihii madaxweyne Siilanyo ee arimaha doorashooyinka Muddane Cabdilaahi Jawaan .
Sidoo kale Cabdilaahi Jawaan ayaa waxaa uu iska casilay xubin nimadii golaha dhexe ee xisbiga Kulmiye .
Iscasiladiisa ayaa waxaa uu sabab uga dhigay masuulkani in taladiisii aaney cidi qaadaneen , madaxweyne Siilanyo oo uu la taliye u ahaana aanu arkeenba isla markaana xilkii loo dhiibey lagu qiimeyn waayey
Dhinca Cabdilaahi Jawaan ayaa waxaa uu sheegay in taladii dalku ay gacanta u gashey dad aan loo dooran oo iyagu ka go,aan gaadhaya arimaha waa weyn ee masiiriga u ah dalkan
” Dad aan la dooran ayaa go,aanadii ugu danbeeyey ee dalka gooyey , taasna meel ku tagi meyno , madaxweyne siilanyo canbaareyn maayo lakiin taladi loo doortey waa baylah , dalka dhana waxaa xukuma wasiirka madaxtooyada ” ayuu yidhi
Dhinca kale waxaa uu Cabdilaahi Jawaan saluug xoogan ka muujiyey hanaanka shaqo gudida doorashooyinka isaga oo xusay in aanu arkeen qorshe ay wadaan gudidaasi oo doorasho dalkan lagaga qaban karo isla markaana waxuu ugu baaqey in ay iscasilaan
” Gudida dorashooyinku Wadadii doorasho lagu qaban lahaa ma hayaan , in loo yeedhaayo oo ay amar qaadanayaan baan arkaa, markaas hadii eydaan waxba qaban kareeen dee iska casila ceebna ma ah iscasilaadu oo anba waanigan iminka is casilaya ” ayuu yidhi
