Hogaankii Cusbaa ee Ololaha Xisbiga Waddani Oo Durba Isku Cuno Duubay Xoghayaha Dhalinyarada Iyo Khilaaf Huursanaa Oo Dibada usoo Baxay
Khilaaf xoog leh oo u dhexeeya Xoghayaha dhalinyarada iyo ciyaaraha iyo madaxa ololaha doorashada ee xisbiga wadani ayaa dibeda usoo baxay
Khilaafkan u dhexeeya labada masuul ayaa lagu war helay todobaadkii hore markaas oo ahayd maalinta dhalinyarada xisbiga wadani.
Waxanay laba xafladood ku qabteen meelo kala duwan oo ku yaala hargaysa
Madaxa ololaha ee xisbiga wadani Xamse Khayre ayaa xaflada uu hogaaminaayay isaga iyo qaar ka mid ah xoghayayaasha wadani waxay ka jeediyeen hadalo. Waxana ka soo qayb galay qaar ka mid ah dhalinyarada xisbiga wadani
Hasa yeeshe laguma arag xoghayaha dhalinyarada iyo ciyaaraha ee xisbiga wadani Yoonis axmed yoonis oo ay ahayd in uu yimaado xaflada. Maadama la xusaayo dhalinyaro
Yoonis axmed yoonis ayaa isna saxaafada Kula hadlay hotel ka mida kuwa Hargeysa ku yaala isago hambalyo u diray dhalinyarada taageerta xisbiga wadani
Khilaafkan soo shaac baxay ee u dhexeeya madaxa ololaha doorashada iyo xoghayaha dhalinyarada iyo ciyaaraha ee xisbiga wadani ayaan la garanaya waxa uu salka ku hayo hasa yeeshe waxa loo malaynayaa in uu ka dhashay awoodo dheeraada oo uu la soo baxay xamse khayre markii dhawaan loo magacaabay xilkan
Xamse khayre ayaa xisbiga wadani ku soo kordhiyay kooxaysi iyo kala jiidasho isago inta badana lagu arkaayo in uu qaarna soo dhawaysto qaarna fogeeyo
Hogaanka sare ee xisbiga wadani ayaan wali soo dhex gelin khilaafka u dhexeeya labada masuul
