Sergio Ramos ayaa diiday soo jeedinta ah in Real Madrid lagu ciqaabay caajisnimadooda kulankii ay guuldarada 2-1 aheyd kala soo laabteen kooxda Valencia xalay kadib markii 9 kii daqiiqo ee ugu horeysay ee ciyaarta ay goolal ka kala dhaliyeen Simone Zaza iyo Fabian Orellana inkastoo oo gool iska magac u yaal ahaa uu u soo celiyay Cristiano Ronaldo.
Waxay aheyd markii ugu horeysay mudo ku dhaw 14 sanadood ah oo Madrid labo gool looga dhaliyo 10 la daqiiqo ee ugu horeysay ciyaarta, waxayna inta badan ciyaarta ku raaxeysanayeen kubada heysasho aanan mirofhal laheyn, Ramos ayaana sheegay in goolasha Valencia ay ku yimaadeen labo qalad oo ay kooxdiisa gashay.
“Wuxuu ahaa kulan xamaasad badan, waxaan rabnay inaan ugu yaraan la laabano hal dhibic, xaqiiqdii kulan fiican ayuu ahaa waxaana rabnay inaan kordhino farqiga dhibcaha ee aan hogaanka ku heyno”. ayuu yiri
Marka la weydiyay waxa sababay guuldarada wuxuu yiri “Waxaan sameynay labo qalad waana la inagu ciqaabay, kooxda waxay isugu soo baxday iney ciyaarto kubada fiican, min daqiiqadii koowaad waxaan dhiseynay kubada fiican laakin halistii aan galnay ayaan ka faa’ideysan weynay, waxaan galnay labo qalad waxayna dhaliyeen labo gool”.
Laakin waxaa jiray eedeymo ku aadanaa habdhaqanka dabacsan ee kooxda Real Madrid ee lasoo baxday kulankaan, Ramos ayaana beeniyay arinkaas wuxuuna yiri “ANiga ahaan dhaqan xumaan ama xushmad daro midna ma aysan jirin, waxaan bixinay wax waliba si aan u adkaano, hada waa inaan rognaa bogaas oo aan wax ka baranaa qaladaadkeena, horyaalka wuu dheer yahay wax waliba ayaana dhici kara”. “it.”
Real Madrid ayaa kulankeeda xiga u safri doonta garoonka dhibka badan ee El Madrigal si ay ula soo ciyaaraan kooxda Villareal kulankaasoo qudhiisa aanan dab yar shideyn.
